تعرف على تفاصيل الاعتداء على باسم يوسف في لندن

24 أبريل، 2016 8:43 م 300 مشاهدة

رحاب نيوز – ر ن ا

تعرض الإعلامي المصري الساخر باسم يوسف لاعتداء لفظي بالسب والشتائم من قبل المصريين الذين حضروا عرضه المسرحي في لندن، يوم الأربعاء الماضي.

وأوضح باسم ما حدث، على حسابه الخاص على موقع “الفيسبوك”، بقوله: “للتوضيح بس عشان اللي حصل في لندن. طبعا في عناوين بتقول اني عملت عرض مسرحي يحرض ضد مصر و فيه مصريين هاجموني و شتموني و الكلام المحفوظ ده. الحقيقة ان دول كانوا عبارة عن خمسة او ستة واضحين انهم مزقوقين من الاول و عمالين يغلوشوا عليا من الاول. و اللي يطّلع يقول انا خاين و اللي يطّلع يقول ان السيسي هو مصر ومصر هي السيسي و اللي يطّلع يشتم”.

وأضاف :”عرفت بعد كده لما وريت صورهم لناس اعرفهم في لندن ان دول محترفين غلوشة وبلطجة ومزقوقين من أجهزة معينة. وبيكتبوا تقارير في المصريين اللي هنا بل ان فيه واحد منهم معموله محضر هنا عشان هدد واحدة من المتظاهرات قدام السفارة بالقتل. المهم انا رفضت ان يتم اخراج اي حد من العرض و كنت متوقع ان الموضوع كله معمول عشان يتم تصوير دقيقتين وينزلوا على النت و ده فعلا اللي حصل بعد نص ساعة من نهاية العرض و نازل مع ترجمة وآخر حلاوة”.

وتابع: “المهم كان فيه ناس في المسرح مع النظام و ضد النظام ولا حد حس ان فيه اهانة لمصر او تحريض ولا اي حاجة . انا بأطلع في سي ان ان و ووسائل إعلام مختلفة لو عايز أحرض كنت حرضت من زمان. بالعكس الناس على اختلاف ميولها استمتعوا جدا. المحزن ان موارد البلد بقت تتصرف عشان حبة بلطجية يدفعوا تذاكر عشان ييجوا يعملوا حركات عيال و يغلوشوا زي بلطجية الأفراح. انا سعيد جدا بليلة امبارح دي و باستقبال الناس ليا و ياريت يتم توظيف موارد البلد في حاجات احسن من كده”.



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *